HOME LAKSHMAN SRUTHI ORCHESTRA MUSIC SHOP MUSIC SCHOOL REHEARSAL HALL SERVICES RENTALS EVENT MANAGEMENT CHENNAIYIL THIRUVAIYARU
QUICK LINKS   News & Events   |    Music Review  |      Photo gallery      |    Videos    |      Audios      |      Top 10 Songs      |    New Releases    |    Tamil Books   
   Fun in Music     |       Lyrics       |   Upcoming Events      |   Specials   |    Partners     |    CT - Food Festival    |         Contact us
PROFILES     Music      |     Cinema      |     Dance      |     Drama      |     Television      |     Radio      |     Variety      |     Mimicrys      |     Kavidhai        
லஷ்ம்ன் ஸ்ருதியின் ஜாம்பியா இசைப் பயணம்

 13.11.2009 - இரண்டாம் நாள் - கோவிலுக்கு விஜயம் மற்றும் ரிகர்சல்

காப்வே பவானி அம்மன் கோயில்

          காலையில் குளித்து தயாரானதும் லுஸாகாவில் இருந்து 40 கி.மீ. தூரத்தில் இருக்கும் காப்வே என்ற இடத்துக்கு அழைத்துச் சென்றார்கள். அங்கே பவானி அம்மன் கோயிலைப் பார்த்ததும் எங்கள் மகிழ்ச்சிக்கும் ஆச்சரியத்துக்கும் அளவே இல்லை. ஏதோ... தமிழ்நாட்டில் உள்ள ஒரு கிராமத்துக்கு வந்த மாதிரி உணர்வு. குஜராத்தை சேர்ந்த ஒருவர்தான் இந்த கோயிலை நிர்மாணித்ததாக சொல்கிறார்கள். அவரது பெயர் தெரியவில்லை. நாங்கள் போயிருந்தபோது கோயிலை மறுசீரமைத்துக் கொண்டிருந்தார்கள். இன்னும் இரண்டு மாதத்தில் கும்பாபிஷேகம் நடக்கப் போகிறது. வட இந்திய மற்றும் தென் இந்திய பாணியை இணைத்து புதுமையாக வடிமைத்திருக்கிறார்கள். எல்லா தரப்பு மக்களும் இந்த கோயிலுக்கு வருகிறார்கள்.


காப்வே பவானி அம்மன் கோவில்
மற்றும் அர்ச்சகர்
காப்வே பவானி அம்மன் கோவிலில்
இசைக் குழுவினர்


 ஜாம்பியா வாழ் இந்தியர்கள் எல்லோருக்குமே இது குல தெய்வக் கோயில் மாதிரி. இங்கு வந்தாலே சொந்த ஊருக்கு வந்த மாதிரி மனசுல ஒரு நிம்மதி கிடைக்கும். நாங்க எந்த வேலைய ஆரம்பிக்கிறதா இருந்தாலும் இங்கு வந்து அம்மனை வணங்கிட்டுதான் தொடங்குவோம் என்றார் உடன் வந்த நண்பர். நாங்க அர்ச்சனை செஞ்சு அம்மனை தரிசனம் செய்தோம். ஆனந்த் குருக்கள் என்பவர் இங்கே முழுநேர பணியில் இருக்கிறார்.

நீலாங்கரையில் இருந்து வந்துள்ள ஜி.என்.ஷங்கர் ஸ்தபதி என்பவர் புணரமைப்பு வேலைகளுக்குப் பொறுப்பேற்றிருந்தார். சிலை வடிவமைப்பில் நமது சிற்பக் கலையை ஆப்ரிக்கர்களும் கற்றுக் கொண்டு உதவிசெய்து கொண்டிருந்தனர். அதை பார்க்கும்போது வியப்பாக இருந்தது. அம்மன் மட்டுமின்றி எல்லா கடவுள்களின் சிலைகளையும் இங்கு வைத்திருக்கிறார்கள். ஒவ்வொரு மாதமும் இங்கு சிறப்பு பூஜை நடக்கும். லுஸாகாவில் உள்ள இந்தியர்கள் எல்லோரும் தவறாமல் கலந்து கொள்வார்கள். பூஜைக்குப் பிறகு ஒவ்வொரு வீட்டிலிருந்தும் ஏற்கனவே சமைத்து கொண்டு வந்திருக்கும் வெவ்வேறு விதமான உணவை எல்லோரும் ஒன்றாக அமர்ந்து சாப்பிடுவது மகிழ்ச்சியான அனுபவமாக இருக்கும் என்று விளக்கினார் அங்கிருந்த பக்தர்.

கோயில் புணரமைப்புக்கான மற்ற எல்லா வேலைகளையும் ஆப்ரிக்கர்களே செய்து வருகின்றனர். அவர்களுக்காக தங்குமிடம் உணவு வசதி எல்லாம் தனியாக செய்து கொடுத்திருக்கிறார்கள். காப்வே பயணத்துக்கான எல்லா ஏற்பாடுகளையும் பாபு என்ற நண்பர் மிகச் சிறப்பாக பார்த்துக் கொண்டார்.


லஷ்மன், ஷங்கர் ஸ்தபதி மற்றும் ஆப்பிரிக்க பணியாளர்கள்
சீரமைக்கப்பட்ட கோபுரத்தில் பணியாளர்க்ள் மற்றும் இசைக் குழுவினர்
       
காப்வே கோயிலில் இருந்து திரும்பும் வழியில் ஒரு ஆப்ரிக்க இசைக் குழுவினரை சந்தித்தோம். அவர்களின் ஜாலியான அரட்டை எங்களை வெகுவாகக் கவர்ந்தது. அவர்கள்


ஆப்பிரிக்க இசைக்குழுவினருடன்

வெம்பா என்ற ஆப்ரிக்க மொழியில் ஒரு பாடலைப் பாடினர். அவர்களுடன் ஆடிப் பாடி...புகைப்படமும் எடுத்துக் கொண்டோம். பஸ் வசதி அதிகம் இல்லாததால் போக்குவரத்துக்கு மினி வேன்களை அதிகம் பயன்படுத்துகிறார்கள். பெரும்பாலும் லாரிகளிலிலேயே நூற்றுக் கணக்கானவர்கள் ஏறிச் செல்வதை பார்க்க முடிந்தது.

கிராமத்து சாலையோரக் கடையில் சில பொருட்களை வாங்கினோம். ஜாம்பியா பெண்கள் மிகவும் கூச்ச சுபாவம் கொண்டவர்கள். எங்களைப் பார்த்ததும் முகத்தை மூடிக் கொண்டு வெகுளியாகச் சிரித்தனர்.

ஒத்திகை துவங்குவதற்கு முன்பாக லுஸாகாவில் உள்ள கேஷ் குருசேடர்ஸ் என்ற இசைக் கருவி விற்பனையகத்துக்கு சென்றிருந்தோம். வழக்கமாக அவர்கள் இசைக் கருவிகளை வாடகைக்கு கொடுப்பது இல்லையாம். ஆனால் எங்களுக்கு உடனடியாக டிரம்ஸ் தேவைப்பட்டது. எங்களுக்காக சிரமம் பார்க்காமல் உதவி செய்து டிரம்ஸ்களை வெளியில் இருந்து வாடகைக்கு எடுத்துக் கொடுக்க முன்வந்தார் அந்த கடையின் உரிமையாளர்.

மாலையில் லுஸாகா ஹிந்து அரங்கில் ரிகர்சல். நிகழ்ச்சியில் பாட வேண்டிய பாடல்களை வரிசையாக ஒத்திகை பார்க்க ஆரம்பித்தோம். அரங்கத்தில் இருந்த ஒரு சிலர் தங்கள் நண்பர்களுக்கும் உறவினர்களுக்கும் போன் செய்து ரிகர்சல் நடப்பது பற்றி சொல்லி...உடனடியாக வருமாறு அழைப்பு விடுத்துக் கொண்டிருந்தார்கள். அரை மணி நேரத்துக்குள் ஏராளமானவர்கள் கூடிவிட்டனர். சில இசைக் கருவிகள் அவசரமாகத் தேவைப்பட மயூரும் அவரது சகோதரர் லால்ஜியும் எந்த தயக்கமும் இல்லாமல் உடனடியாக ஏற்பாடு செய்து கொடுத்தார்கள்.

இரவு டின்னருக்கு சாதம் சாம்பார் ரசம் தயிர் ஏற்பாடு செய்திருந்தார்கள். திருப்தியாக சாப்பிட்டு ஒத்திகையைத் தொடர்ந்தோம். டெல்லியை பூர்வீகமாகக் கொண்ட சகுந்தலா என்பவர் எங்களுக்காக ஸ்பெஷல் இனிப்பு வகைகளை வீட்டிலிருந்தே செய்து எடுத்து வந்திருந்தார். இரவு 7 மணியில் இருந்து அதிகாலை 2 மணி வரை ஒத்திகை நீடித்தது. அது வரை பொறுமையாக அமர்ந்து பார்த்துக் கொண்டிருந்தவர்கள் இன்னும் கொஞ்ச நேரம் பாட மாட்டீர்களா? என்று கேட்டு எங்களை அதிர வைத்தார்கள்.


            இசைப்பயிற்சியில் இசைக்குழுவினர்

12, 13, 14, 15, 16-11-09           Back to Index