HOME LAKSHMAN SRUTHI ORCHESTRA MUSIC SHOP MUSIC SCHOOL REHEARSAL HALL SERVICES RENTALS EVENT MANAGEMENT CHENNAIYIL THIRUVAIYARU
Quick Links     News & Events  | Music Review  |  Photo gallery  |  Videos |  Audios | Top 10 Songs  |   New Releases | Lyrics  |  Fun in Music | Tamil Books | Specials |
PROFILES     Music  |  Cinema  |  Dance  |  Drama  | TV  |  Radio  | Variety  |  Mimicrys  | Kavidhai  |  Partners  |  Upcoming Events  |  Logos  |  Contact us  |

தேசீய கீதங்கள்

4.தேசிய இயக்கப் பாடல்கள்
34. தொண்டு செய்யும் அடிமை
சுயராஜ்யம் வேண்டுமென்ற பாரதவாசிக்கு
ஆங்கிலேய உத்தியோகஸ்தன் கூறுவது

நந்தனார் சரித்திரத்திலுள்ள
"மாடு தின்னும் புலையா!-உனக்கு மார்கழித் திருநாளா?"
என்ற பாட்டின் வர்ண மெட்டு

1.

தொண்டு செய்யும் அடிமை!-உனக்குச்
      சுதந்திர நினைவோடா?
பண்டு கண்ட துண்டோ?-அதற்குப்
      பாத்திர மாவாயோ?
(தொண்டு)

2.

ஜாதிச் சண்டை போச்சோ?-உங்கள்
      சமயச் சண்டை போச்சோ?
நீதி சொல்ல வந்தாய்!-கண்முன்
      நிற்கொ ணாது போடா!
(தொண்டு)

3.

அச்சம் நீங்கி னாயோ?-அடிமை!
      ஆண்மை தாங்கி னாயோ?
பிச்சை வாங்கிப் பிழைக்கும்-ஆசை
      பேணுத லொழித் தாயோ?
(தொண்டு)

4.

கப்ப லேறு வாயோ?-அடிமை!
      கடலைத் தாண்டு வாயோ?
குப்பை விரும்பும் நாய்க்கே-அடிமை!
      கொற்றத் தவிசுமுண் டோ?
(தொண்டு)

5.

ஒற்று மைபயின் றாயோ?-அடிமை!
      உடம்பில் வலிமையுண் டோ?
வெற்றுரை பேசாதே!-அடிமை!
      வீரியம் அறிவாயோ?
(தொண்டு)

6.

சேர்ந்து வாழு வீரோ-உங்கள்
      சிறுமைக் குணங்கள் போச்சோ?
சோர்ந்து வீழ்தல் போச்சோ?-உங்கள்
      சோம்பரைத் துடைத்தீரோ?
(தொண்டு)

7.

வெள்ளை நிறத்தைக் கண்டால்-பதறி
      வெருவலை ஒழித்தாயோ?
உள்ளது சொல்வேன் கேள்-சுதந்திரம்
      உனக்கில்லை மறந்திடடா!
(தொண்டு)

8.

நாடு காப்ப தற்கே-உனக்கு
      ஞானம் சிறிதுமுண்டோ?
வீடு காக்கப் போடா!-அடிமை!
      வேலை செய்யப் போடா;
(தொண்டு)

9.

சேனை நடத்து வாயோ?-தொழும்புகள்
      செய்திட விரும்பாயோ?
ஈன மான தொழிலே உங்களுக்கு
      இசைவதாகும் போடா!
(தொண்டு)
<< Previous Index >> Next