நடுவுநிலைமை - திருக்குறள் | Lakshman Sruthi

12. நடுவுநிலைமை - திருக்குறள்
1.	தகுதி எனஒன்று நன்றே பகுதியால் பாற்பட்டு ஒழுகப் பெறின்.
2.	செப்பம் உடையவன் ஆக்கம் சிதைவுஇன்றி எச்சத்திற்கு ஏமாப்பு உடைத்து.
3.	நன்றே தரினும் நடுவுஇகந்துஆம் ஆக்கத்தை அன்றே ஒழிய விடல்.
4.	தக்கார் தகவிலர் என்பது அவரவர் எச்சத்தால் காணப் படும்.
5.	கேடும் பெருக்கமும் இல்லல்ல: நெஞ்சத்துக் கோடாமை சான்றோர்க்கு அணி.
6.	கெடுவல்யான் என்பது அறிகதன் நெஞ்சம் நடுஒரீஇ அல்ல செயின்.
7.	கெடுவாக வையாது உலகம் நடுவாக நன்றிக்கண் தங்கியான் தாழ்வு.
8.	சமன்செய்து சீர்தூக்கும் கோல்போல் அமைந்துஒருபால் கோடாமை சான்றோர்க்கு அணி.
9.	சொற்கோட்டம் இல்லது செப்பம் ஒருதலையா உள்கோட்டம் இன்மை பெறின்.
10.	வாணிகம் செய்வார்க்கு வாணிகம் பேணிப் பிறவும் தமபோல் செயின்.
	திருக்குறள் - தொகுப்பு