தீநட்பு - திருக்குறள் | Lakshman Sruthi

82. தீநட்பு - திருக்குறள்
1.	பருகுவார் போலினும் பண்புஇலார் கேண்மை பெருகலின் குன்றல் இனிது.
2.	உறின்நட்டு அறின்ஒரூஉம் ஒப்பிலார் கேண்மை பெறினும் இழப்பினும் என்?
3.	உறுவது சீர்தூக்கும் நட்பும் பெறுவது கொள்வாரும் கள்வரும் நேர்.
4.	அமரகத்து ஆற்றுஅறுக்கும் கல்லாமா அன்னார் தமரின் தனிமை தலை.
5.	செய்துஏமஞ் சாராச் சிறியவர் புன்கேண்மை எய்தலின் எய்தாமை நன்று.
6.	பேதை பெருங்கெழீஇ நட்பின் அறிவுஉடையார் ஏதின்மை கோடி உறும்.
7.	நகைவகையர் ஆகிய நட்பின் பகைவரால் பத்துஅடுத்த கோடி உறும்.
8.	ஒல்லும் கருமம் உடற்று பவர்கேண்மை சொல்ஆடார் சோர விடல்.
9.	கனவினும் இன்னாது மன்னோ வினைவேறு சொல்வேறு பட்டார் தொடர்பு.
10.	எனைத்தும் குறுகுதல் ஓம்பல் மனைக்கெழீஇ மன்றில் பழிப்பார் தொடர்பு.
	திருக்குறள் - தொகுப்பு